6 fransız xəmiri

Uşaqlıqda mənim üçün xəmirin bir növü vardı. Xəmirin nə qədər başqa formasının olduğu haqqında heç düşünməzdim də. Çünki, bütün xəmirlər, şəkərbura, paxlava, xingal, düşbərə bir-birinə oxşar şəkildə hazırlanardı. İndi isə xəmirin çoxlu növləri haqqında öyrənmişəm. Bu dəfə də öyrəndiyim xəmirlər fransızların irsidir. Bəzilərinin ingiliscə adı var, bəzilərinin isə yoxdur və fransızca adlardan istifadə olunur. Azərbaycanca adlarının olub olmadığını bilməsəm də daha aydın başa düşülmək üçün həm fransız, həm ingilis, həm də azərbaycanca tərcümələrini yazacam.

	Fransızca	Fransızca hərfi mənası	İngiliscə	Azərbaycanca
1	Pâte friable	Ovulan xəmir	Shortcrust pastry	Ovulan xəmir
	Pâte à foncer Pâte brisée Pâte sucrée Pâte sablée	Qaralan xəmir Qırılan xəmir Şirin xəmir Qumlu xəmir	Shortcrust pastry Shortcrust pastry Sweetcrust pastry Shortcrust pastry	Qaralan xəmir Sınan xəmir Şirin xəmir Toz xəmir
2	Pâte feuilletée	Yarpaqlanan xəmir	Puff pastry	Çox-qat xəmir
3	Pâte cuite	Bişirilmiş xəmir	Cooked pastry	Bişmə xəmir
4	Pâte levée və ya pâte pétrie	Qalxan və ya yoğrulan xəmir	Leavened və ya kneaded dough	Qalxan və ya yoğrulan xəmir
	Pâte à brioche Pâte à pain Pâte à savarin	Brioş xəmiri Çörək xəmiri Savaren xəmiri	Brioche dough Bread dough Savarin dough	Brioş xəmiri Çörək xəmiri Savaren xəmiri
5	Pâtes levées feuilletées	Qalxan yarpaqlanan xəmir	Layered leavened dough	Qalxan çox-qat xəmir
	Pâte tourée Pâte danoise	Tur verilmiş xəmir Danimarka xəmiri	Folded dough Danish pastry	Qatlanmış xəmir Danimarka xəmiri
6	Pâte battue	Vurulmuş xəmir	Batter	Çalınmış xəmir

1. Pâte friable - tart, kiş və piroqların fundamentində istifadə olunur. Özəlliyi ondadır ki, bişən zaman qalxmır. Un və yağı qarışdırmaqla alınır. 

Pâte à foncer - Un, yağ və yumurtadan hazırlanır.

Pâte brisée - Pâte à foncer kimi hazırlanır. Fərqi yağının çox olmasında və daha yumşaq və incə olmasındadır. 

Pâte sucrée - Un, yağ və şəkərdən hazırlanır.  

Pâte sablée - Pâte sucrée ilə eyni inqredientlərdən hazırlanır. Fərqi yağın soyuq şəkildə əlavə edilərək və ovularaq hazırlanmasındadır. 

2. Pâte feuilletée - Bichon au citron, uşaqlıqda yediyimiz "pirojnie trubochki" bu xəmirlə hazırlanır. Özəlliyi ondadır ki, mexaniki yolla qalxır. Qatlardakı su bişirmə zamanı buxarlanaraq qatları və xəmiri qaldırır.  

3. Pâte cuite - Şu xəmiri bu yolla hazırlanır. Şu xəmirindən müxtəlif cür yemək və şirniyyatlar bişirilir. 

4. Pâte levée və ya pâte pétrie - altında yazıldığı kimi brioş, çörək və s. xəmirləi belə xəmirlərə aiddir. Bu xəmir qabardıcılarla qaldırılır. 

5. Pâtes levées feuilletées - Pâte feuilletée kimi hazırlanır, lakin maya da qatılır. Kruassanlar və danimarka qoğalı bu xəmirlə hazırlanır. 

6. Pâte battue  - Bir çox şirniyyatlar, misal üçün madlenlər belə xəmirdən hazırlanır. 

Albalılı madlenlər

Xəmirlərin növlərini öyrəndikdən sonra uşaqlıqda öyrəşdiyim şəkərbura və paxlava xəmirlərinin Pâte levée və ya pâte pétrie olduğunu anladım.